Из Жития Феодосия Печерского (пера Нестора)

Форумы Арктогеи (philosophy): СТАРАЯ ВЕРА для НОВОЙ РУСИ: Из Жития Феодосия Печерского (пера Нестора)
2963: By Нил on Воскресенье, Декабрь 17, 2000 - 18:05:

Растый убо телом и душею влеком на любовь Божию, и хожаще по вся дни в церковь Божию, послушая божественных книг со всем вниманием. Еще же и к детям играющим не приближашеся, якоже обычай есть уным, но и гнушашеся играм их. Одежа же его бе худа и сплатана. О сем же многажды родителема его нудящема и облещися в одежу чисту и на игры с детьми изыти. Он же о сем не послушааще ею, но паче изволи быти яко един от убогих...

Сущю же тогда божественному Феодосию 13 лет. Оттоле же начат на труды паче подвижней бывати, якоже исходити ему с рабы на село и делати с всякыим смирением. Мати же его оставляше й, и не велящи ему тако творити, моляше й пакы облачитися в одежу светлу и тако исходити ему со сверстники своими на игры... Оному о том не послушающу ея =, и якоже многажды ей от великия ярости разгневатися на нь и бити й, бе бо и телом крепка и сильна, якоже и муж. Аще бо кто и не видев ея, ти слышааще ю беседующу, то начняше мнити мужа ю суща...

Якоже и властелин града того, видев отрока в таком смирении и покорении суща, влюби й зело и повеле же ему, да пребывает у него в церкви, выдаст же ему и одежу светлу, да ходит в ней. Блаженный же Феодосий, пребысть в ней ходя мало дней, яко некую тяжесть на собе нося, тако пребываше. Таче сним ю, отдаст ю нищим, сам же в худыя порты облекся, ти тако хожаще. Властелин же, видевы й тако ходяща, и пакы ину выдаст одежу, вящу первыя, моля й, да ходить в ней. Он же сним и ту отда. Сице же многажды сотвори, якоже судии то увидевшу, большим начат любити й, чюдяся смирению его. По сих же божестевнный Феодосий шед к единому от кузнец, повеле ему железо счепито сковати, иже и возьм и препоясася им в чресла своя, и тако хожаще. Железу же узку сущу и грызущюся в тело его, он же пребываше, яко ничсоже скорбна от него приемля телу своему.

Таче, яко ишедшем днем многом и бывшу дни праздничну, мати его начать велети ему облещися в одежу светлу на служение всем бо града того вельможам, в то день возлежащим на обеде у властелина. И повелено бе убо блаженному Феодосию предсотяти и служити. И сего ради поущашети й мати его, да облечется в одежу чисту, паипаче же якожа и слышала бе, еже есть сотворил. Якоже ему облачащуся в одежу чисту, прост же сы умом неже блюдыйся ея. Она же прилежно зряаше, хотящи истее видети, и се бо виде на срачице его кровь сущу от вгрызения железа. И раждьгошися гневом на нь, и с яростию вставши и растерзавши сорочицу на нем, биющи же й, отъя железо от чресл его. Божий же отрок, яко ничсоже зла прият от нея, облекся и, шед , служаще пред возлежащим и со всякою тихостию.


В настоящее время публикации в этом разделе заблокированы. Свяжитесь с модератором для уточнения подробностей.

Rambler's Top100

Topics Last Day Last Week Tree View    Getting Started Formatting Troubleshooting Program Credits    New Messages Keyword Search Contact Moderators Edit Profile Administration

TopList Rambler's Top100